Deutsch / Albanisches Wirtschaftsportal

Punësimi i shtetasve të huaj në Shqipëri

Në vartësi të shtetësisë së tyre, për udhëtimet në Shqipëri shtetasit e huaj duhet të kenë një leje qëndrimi( vizë) Të gjithë shtetasit e huaj, që do të qëndrojnë më shumë se 20 ditë në Shqipëri, duhet të plotësojnë një formular në rajonin më të afërt të policisë. Vizat jepen për një afat kohor nga 3 deri në 12 muaj. Gjithë shtetasit e huaj kanë të drejtë që pas 5 vjet qëndrimi të vazhdueshëm, të banojnë në Shqipëri. Shtetasit e huaj që punojnë më pak se tre muaj në Shqipëri, nuk kanë nevojë për leje pune nga Ministria e Punës dhe e Cështjeve Sociale.

Personat që nuk janë shtetas shqiptarë dhe dëshërojnë të punojnë në Shqipëri për një periudhë mbi tre muaj, duhet të kenë leje pune nga Ministria e Punës dhe e Ceshtjeve Sociale. Kjo Ministri vendos mbi formën e lejes së punës, procedurat për lëshimin e saj, ripërtëritjen ose refuzimin e saj dhe dokumentet e nevojshme që paraqiten me këtë rast.

Formularët e nevojshëm mund të merren pranë Drejtorisë së Imigracionit në Ministrinë e Punës dhe Cështjeve Sociale, ambasadat dhe konsullatat shiptare dhe zyrat rajonale. Përgatitja e tyre zgjat deri në 30 ditë. Më poshtë paraqiten të gjitha format e ndryshme të lejeve të punës:

leje pune të kufizuara në kohë ose për zona të veçanta rajonale
leje pune rajonale të pakufizuara/leje pune për veprimtari të pakufizuar për të vetëpunësuarit, për persona që punësojnë të paktën dy punëmarrës shqiptarë dhe një të huaj dhe për persona që marrin leje pune të kufizuar për të paktën tre vjet
leje pune të kufizuar në kohë, me një afat kohor prej maksimumi 6 muaj
leje pune për një zonë të caktuar rajonale ose për një veprimtari të caktuar
për persona të vetëpunësuar për një rajon të caktuar ose për gjithë territorin e Shqipërise
leje pune për studentë të huaj

Fillimisht, vlefshmëria e lejeve të punës është e kufizuar për një periudhë njëvjeçare, por ajo mund të zgjatet deri në 5 vjet. Personat që kanë punuar mbi 5 vjet në Shqipëri, kanë të drejtën e përfitimit të një leje pune të pakufizuar në kohë.