Deutsch / Albanisches Wirtschaftsportal

Tatimi i blerjes së trojeve

Tatimit të blerjes së trojeve i nënshtrohen veçanërisht kontrata blerjeje dhe veprime juridike, të cilat krijojnë një pretendim për kalimin e pronësisë së një trualli vendas. Përveç kësaj përfshihen edhe shumë akte të tjera ligjore , si p.sh. ndryshimi direkt ose indirekt i gjendjes së ortakëve të një shoqërie të thjeshtë, e cila zotëron pronë, me anë të kalimit të të paktën 95 për qind të pjesëve në pasurinë e shoqërisë për ortakët e rinj, procedurave të caktuara të shndërrimit dhe bashkimit të të paktën 95 për qind të pjesëve të një shoqërie që zotëron pronë në një dorë. Në tatimin e tokës përfshihen edhe të drejta ndërtimi të trashëguara dhe godina në tokën e huaj.

Debitorë fiskalë si rregull janë blerës dhe shitës së trojeve. Këta me kontratë mund t’ ia ngarkojnë vetëm njërit të pjesëmarrësve barrën e pagesës. Procese të caktuara të blerjes janë të çliruara nga tatimi. Norma tatimore është 3,5 për qind. Si rregull, tatimi i blerjes së tokës llogaritet në bazë të kundërshpërblimit, i cili është përcaktuar me ligj.

Tatimi i tokës

Me detyrim tatimor është pasuria e tokave brenda vendit. Baza e tatimit është vlera unike, e përcaktuar sipas ligjit për normat e vlerësimeve, sipas raportit të vlerave të viti 1964 respektivisht të viti 1935 ose vlera ekonomike kompensuese.

Llogaritja e tatimit të tokës bëhet në dy shkallë: Duke u nisur nga vlera unike/vlera ekonomike kompensuese, zyra e tatimeve e përcakton bazën tatimore, e cila i njoftohet edhe komunës. Koeficientet e vlerësimit tatimor që duhet të zbatohen për llogaritjen e bazës tatimore mbi vlerën unike/vlerën ekonomike kompensuese, janë

për troje në landet e vjetra sipas llojit midis 2,6 për mijë dhe 3,5 për mijë,
për troje në landet e reja – të harmonizuar me vlerat unike shumë më të ulëta të vitit 1935 – sipas llojit dhe grupit të komunave midis 5 për mijë dhe 10 për mijë,
për ndërmarrjet e bujqësisë dhe pylltarisë njëlloj 6 për mijë.

Komuna lidhur me bazën tatimore e zbaton normën komunale në fuqi të vjeljes së tatimeve dhe e përcakton tatimin e tokës me vendimin mbi tatimin e tokës. Në landet e reja tatimi i tokës llogaritet ende sipas bazës kompensuese tatimore ‘sipërfaqe banimi ose e shfrytëzueshme’ në mënyrë paushale në një procedurë të thjeshtësuar.